Heuer findet der Rindbacher Tratschblattlverkauf am Freitag 21.2.2014 statt. Der Erlös kommt wie immer einem sozialem Zweck zu Gute.
A des Jåhr san mia wieda dick då,
weu d’Fåschingzeit is ållweu gschmoa’,
drum gibt’s a s’Tråtschblattl zon kaufn,
kemts recht brav åll ångelaufn,
am 21. Februar treff ma ins auf da Stråssn,
bittschen tats ins net z’lång wårtn låssn,
bei da Eschlböck — Kreizung in Rindbåchtål,
stengan d’Trüfföweiba auf jedn Fåll,
do a im Ort kinats eich a Blattl kaufn,
so Måncha wird de Håår se raufn,
wånn er glaubt se in an Gschichtal zu erkenna,
s’gibt nur oans – mit Humor miassts es nehma,
weu solång ma üba se sölba nu låcha kånn,
då is ma eam ållweu nu guat ån!
Schene Feiertåg und nu a lustige Zeit,
des wünschen eich
d’Rindbåcha-Tråtschweibaleit!
Foto: Hörmandinger